*General Santos City— Sa hisgutanang border, giklaro ni Gensan City Mayor Ronnel Rivera nga nagpabiling sirado ang Gensan para sa mga buot musulod ug ang ginatugutan lang mao ang mga residente sa Gensan nga na-stranded sa ubang lugar dihang nagdeklara ug lockdown ilalom sa Enhanced Community Quarantine.*
*Apan higayon nga sila musulod sa Gensan, kinahanglan gihapon nilang mupa-ilalom sa 14 kaadlaw nga home quarantine subay sa guidelines ug protocol sa dakbayan.*
*Pagpaklaro ni Mayor Rivera nga sa karon ang ginahisgutan sa regional inter-agency taskforce nga malakip sa guidelines mao ang inter-provinces pasabot nga ang gikan lang sa South Cotabato ang ginatugutan una nga musulod. Samtang lakip pa nga ginatun-an ang inter-region o mga kasikbit nga mga rehiyon.*
