*General Santos City— Patay sa gipahigayong buybust operation sa Regional Police Drug Enforcement Unit 12 ang target nga si Niño Atoc Dacigao Alias Nano, 22 anyos nga residente sa Purok Saway, Zone 6, brgy. Labangal ning dakbayan sa Gensan milabay’ng adlaw.*
*Sumala kang Police Lt. Col. Lino Capellan, tigpamaba sa Police Regional Office 12 nga gikonsiderang level 1 high value target ang suspek nga lakip sa Inter-Agency Drug Information Database List.*
*Atol sa operasyon, nakamatikod matud pa ang supek nga pulis ang iyahang ka-transaksyon ug gipabuthan ang operatiba hinungdan kini napulisan ug daling gidala sa balay tambalanan apan gideklarang dead on arrival.*
*Dugang pamahayag ni Police Lt. Col. Capellan nga narekober gikan sa posisyon sa suspek ang mga sachet sa gituuhang shabu marked money ug kalibre 38 nga armas.*
*Notado na matud pang gapayuhutan ug illegal nga droga ang suspek sa maong lugar kung asa gikan sa ubang rehiyon ug probinsya ang mga drogang ginabaligya sa suspek.*
