ILOILO City – Ginkakibot ni City Councilor R-leoni Gerochi nga gin-akigan siya sa session kahapon matapos wala niya ginpaboran ang proposed resolution nanday city councilor Joshua Alim kag city councilor Plaridel Nava nga nagabawi sang ila pirma sa ordinansa nga nagahatag sang prangkisa sa South Balibago Water Resources Incorporated.
Suno kay Gerochi , confused siya kon ano ang kaundan sang nasambit nga resolusyon nga nagapahayag sang sentimento sang duha ka tawo apang ginakuha ang tindog sang bug-os nga council.
Dugang pa ni Gerochi nga mahimo man ipahayag nanday Alim kag Nava ang ila sentimyento kag indi na kinahanglan ang resolusyon.
Apisar sini, nag-ayo si Gerochi nga hulaton anay ang mangin sabat sang dilg angut sa kontrobersyal nga ordinansa nga ginpasar sang city council nga nagahatag sang prangkisa sa South Balibago Water, antes desisyunan ang proposed resolution nanday councilor Alim kag Nava.
Madumduman nga ginkumpirmar ni DILG Usec. Austere A. *Panadero* nga wala sang otoridad ang city council nga mag-issue sang prangkisa sa mga water utilities.
Photo via Dylee Salazar
