Patay ang usa ka sakop sa New Peoples Army kon NPA nga si Eduardo Arnado alyas Choi atol sa nahitabong engkwentro tali sa kasundaluhan ug grupong NPA niadtong Biyernes sa hapon.
Sa interview sa RMN DXMB Malaybalay ngadto kang Lieutenant Colonel Oscar Partuza, ang Commanding Officer sa 3rd Infantry Battalion, gibutyag niini nga nahitabo ang engkwentro sa Sitio Lamparuc, Brgy. Sampagar, Damulog, Bukidnon.
Si Arnado nagsilbing Deputy Secretary sa Guerilla Front 53 ug kasamtangang head extortionist sa NPA nga naglihok sa North Cotabato, Northern part sa Davao Del Sur ug Southern Bukidnon.
Matud ni Col. Partuza nga naghimo sa security operation ang mga miyembro sa 3rd ug 19th Infantry Battalion sa maong lugar human nga makadawat sa impormasyon nga adunay presensiya sa mga armadong rebelde.
Sa pagresponde sa militar, gitagbo sila sa mga buto sa armas gikan sa NPA nga nagresulta sa pagbinayloay sa buto sa armas nga milungtad sa 10 ka minutos nga gikamatay ni Choi.
Gidugang ni Col. Partuza nga nakuha sa lugar sa encounter site ang usa ka .45-caliber pistol, bala, cellphones, subersibong dokumento, mga resibo ug mga personal na gamit sa mga nakasibat nga rebelde.
Padayon usab ang gihimong clearing operation sa otoridad ug militar sa lugar.
