Gihulagway sa facebook post ni Mark Vincent Monsales ang usa ka konduktor sa Ceres Bus nga pa-north bound sa Sugbo isip “feeling gwapo”.
Apil sa iyang gipost mao ang screenshot sa exchange of text messages nila sa iyang girlfriend nga si Crista Lorrene Gacud. Suma pa niya nga mitext iyang gf aron patawagon siya. Dugang pa sa iyang gf nga “bastosay” daw ang treatment sa konduktor niya. Mao gane kunong samtang nagtalk sila sa phone iyang gikusog iyang tingog ug mibalikbalik og tawag niya sa ilang endearment nga “Love”.
Sa dihang iyang gipangutana si Crista unsay nahitabo nagdumili usa ni sa pagtubag. Ingon lang hinuon ang dalaga nga inig abot nalang niya.
TO THE RESCUE SI “LOVE”
Mao to nga gisundan gyud ni Mark ang Ceres Bus nga gisakyan sa iyang gf nga si Crista padung mismo sa terminal sa Bogo City, Cebu kay sa paghunong daw niini para mokanaog iyang gf kay paspas raman pud nga nakapadagan ang driver sa bus.
Didto na sa terminal nahitabo ang confrontation. Samtang nitarong og approach si Mark sa konduktor iya pud ning gikuhaan og video.
“MARRIED” ANG NAKASUWAT SA I.D.
Didto nangutana si Mark unsay tumong sa maong giakusahan nga konduktor sa bus nga nangayo man siya’g mobile number sa iyang uyab nga si Crista. Mitingse lang ang lalaki og nangayo og sorry niya. Iya gyud nga gisukmatan sa giingong pagbinastos ngadto sa gf niini samtang nagsakay intawn ang dalaga sa maong Ceres Bus.
NIHIKAP DAW SA PAA UG MITAPAD
Suma pa gane daw ni Crista nga mikalit og hulbot ang konduktor sa iyang school I.D. nga naa duol sa iyang paa ug dala hikap. Niana pa kuno nga “Mag-maestra diay ka maam? Nindot ra bang pangasaw-on ang maestra.”
Unya wa pa gyud kuno makontento mitapad pa gyud niya ug daling giwakli sa konduktor ang iyang mga folder nga gibutang kilid sa lingkuranan. Ug pwerte gyud kunong kakulit sige pangayo sa iyang mobile number.
“BASTOS ANG GIBUHAT”
Nagpugong-pugong lang si Mark sa iyang kalagot tungod sa giingong pagbinastos sa maong minyo nga konduktor ngadto sa iyang uyab. Unya og imo tan-awon ang video mitingse lang ra ba hinuon ang giakusahan nga konduktor. Ug sige lang pangayo og sorry sa iyang nabuhat.
Suma pa ni Mark nga gituyo gyud niya og confront ang maong konduktor nga may first name nga “Nelson” tungod gusto niyang makasabot ni nga sayop iyang gibuhat. Gituyo pud niya og post ang maong insidente sa iyang facebook account aron ma aware ang publiko nga angay respetohon ang mga kababayen-an. Ug labi na sa mga minyo nga pabilin untang matinud-anon sa ilang hinigugma.
Alang sa kinatibuk-ang storya pwede ninyong makita ang post pinaagi ani nga link: m.facebook.com/story.php?story_fbid=1749426868457517&id=100001706621873 .
Kudos, Mark! Padayon sa pagpangga sa imong “Love” nga si Crista ug hinaot pa nga motagam ang konduktor ug naa siyay nakat-unan sa giingong pag-“tsansing” niya ni Crista.
