General Snatos City–Nagpabilin pang nagpaalim sulod sa balay tambalanan ang suspetsadong si Wilhem Fernandez Jr. 30 anyos, minyo,walay trabaho ug nanimuyo sa zone 6, Saway Brgy.Labanga, l Gensan kansa napusilan gamit ang wala pa matinong armas sa biktima nga usa usab ka miyembro sa BPATS nga si George Agustin, 47 anyos, minyo ug nanimuyo sa purok 3 brgy.Crossing Palkan, Polomolok, South Cotabato, pasado alas 3:45 sa kadlawon human naaktuhan niini nga gikawat sa suspek ang iyang pangsabong nga manok gawas sa iyang panimalay.
Pagbutyag ni Police Major Johnrick Medel, ang deputy station commander sa Polomolok PNP nga niadtong higayona nakadungog ug saba sa manok ang nasampit nga biktima ug dihang migawas kini sa ilang panimalay nakit-an sa akto ang suspek nga bitbit na niini ang upat niya ka mga manok nga gibana-banaang nagkantidad ug 20,000 ka pesos.
Saysay usab ni Medel nga sa dihang gigukod sa biktima ang suspek padulong sa national hi-way duna kini kauban nga naghulat sa lugar ug gipusil si Agustin hinungdan nga gibalsan kini ug pusil nga miresulta sa pagkaigo sa usa ka suspek sa sampot niini, samtang paspas man usab misibat ang kauban niini sakay sa motorsiklo.
Pagpakalaro usab sa opisyal nga dili lang kini ang unang higayon nga nagapangawat ug mga manok ang suspek kundili, makadaghan na.
Samtang saysay usab niini nga posibleng dili makasuhan ang BPATS member gumikan kay usa lamang ka pagdepensa sa kaugalingon ang gihimo sa biktima.
