[image: IFM 919 Logo (1).jpg]
Gihan-okan og dugang kaso nga murder ang gibansagan nga gun for hire nga si John Eleser Cavan human nga gibasahan sad kini og arrest warrant nga gipasang-at sa laing pamilya sa biktima sa pagpamusil patay sa dakbayan.
Niaging adlaw una nang nahidangat ngadto sa General Santos City Jail ang warrant officer sa Bula Police Station 6 aron ipabalo sa suspek nga may bag-ong kasong murder pa siyang giatubang.
Kahibaw-an nga una nang nag-atubang og 13 ka mga kasong murder ang suspek human gitudlong responsable sa kasong pagpamusil-patay sa siyudad.
Nadakpan kini niaging bulan sa Hunyo ning tuiga tungod nag-taguan sa laing lugar og nabal-an sa otoridad ang lugar nga iyang gitaguan.
Gitudlo sad nga suspek ang nahisgutan sa pagpamusil patay sa usa ka pulis nga si Glen Alicarte.
