Dumingag, Zamboanga del Sur – Patay ang usa ka pinangita sa balaod human misukol sa mga pulis, alas 7:00 kagabii sa purok 1, Lipawan,Dumingag, Zamboanga del Sur.
Giila ang napatay nga si Mariano Rivera Labang alyas “ Raning”, hingkod ang panuigon molupyo sa maong lugar.
Gironda sa mga ginsakpan sa Provincial Intelligence Branch sa Zamboanga del Sur, PIB-Zamboanga Sibugay, Provincial Police Detective Team ug PNP Dumungag ang balay sa suspek apan misukol siya sa raiding team ug napatay.
Narekober kang Labang ang usa ka kalibre 357 nga pistola ug M16 riffle nga iya matud pang gigamit batuk sa kapulisan.
Nasayran nga si Labang mao ang top 8 most wanted person sa tibuok probinysa ug gibantog nga gun for hire sa Zamboanga Sibugay.
Swerte usab nga walay nahimong samaran sa habig sa kapulisan.
