Tabina, Zamboanga del Sur – Dead on the spot ang 69 anyos nga ginang dihang gipusil sa wala mailing suspek alas 11:10 sa gabii didtong dapita sa Purok Dalaman, Barangay Doña Josefina, Tabina, Zamboanga del Sur.
Nakahiagom sa daghang samad pinusilan ang biktima nailang nga si Felisa Paglinawan residente sa nasangpit nga lugar hinungdan sa hinanali niini nga kamatayon.
Sa imbestigasyon nasayran nga samtang nahinanok sa pagkatulog ang biktima kauban ang iyang apo kalit nga nisulod ang suspek nga armado sa calibre 45 nga pistola og gipusil ang biktima sa makadaghan nga higayon.
Nasayran sa RMN Pagadian nga giakusan ang napatay nga biktima nga iladong mananaot sa ilang dapit nga posibleng maoy motibo sa hunos sa kinabuhi niini.
Nakuha sa dapit nahitabuan ang ang upat ka basiyo sa calibre 45 nga pistola.
