Dumingag, Zamoboanga del Sur – Gumikan sa hulga sa pandemya sa Corona Virus Disease kun Covid-19 nahukman sa lokal nga kagamhanan sa lungsod sa Dumingag nga sirad-an una sugod karong adlawa ang sikat nga dapit sa ilang lugar nga gibantog sa pangalan nga Sea of Clouds nga nahimutang sa Brgy. Senote, Gumpingan ug Calumangi sakop sa Dumingag.
Rason sa LGU-Dumingag nga protektahan ang publiko ning panahon sa pandemya ug ang safety sa tanan matud pa ang ilang gitan-aw. Busa, Temporaryong pagasirad-an ang maong sites gikan December 1, 2020 sa may alas otso (8:00am) sa buntag hangtud December 9, 2020 sa may ala una (1:00am) sa kadlawon.
Mopagawas ra unya og dugang pahimangno ang LGU alang sa pagtuman sa mga protocol kun mobalik na ang pagdawat sa ilang mga bisita.
