South Cotabato – utas ang kinabuhi sa usa ka empleyado sa gobyerno nga si Cezar Andalinog, 38, Job Order sa Munisipyo sa Tupi, human kining gipusil sa wala pa mailhing suspek didto sa may purok 2, barangay Palian, Tupi.
Subay sa inisyal nga imbistigasyon sa Tupi Municipal Police Station nasuta nga sakay ang biktima sa iyang top down pauli na unta sa ilang panimalay dihang kalit kining gipusil sa duha ka mga suspek nga nakamotorsiklo.
Nakaangkon ang biktima ug samad sa nagkandaiyang parti sa lawas Gilayong gidala sa iyang asawa sa ospital ang biktima apan gideklara kining dead on arrival.
Sumala sa asawa sa nasangpit kansa kaubanan niini dihang nahitabo ang pagpamusil, kalit lang mibutho ang mga suspetsado dayon gipusil ang iyang bana pila ka higayon dayon sibat gikan sa lugar. Sa karon padayon pa ang imbistigasyon kalabutan sa insidenti.
