Gibuksan na karong adlawa ang usa ka buwan nga selebrasyon sa KBP Month o Broadcasters’ Month pinaagi sa usa ka santos nga misa nga gipangunahan ni Archbishop Jose Palma.
Sa wa pa ang misa, nagparade ang lainlaing stasyon sa AM ug FM ug TV stations nga myembro sa KBP gikan sa Fuente Osmeña Circle agi sa may Dan Osmeña liko sa may P. Del Rosario St. ug dayon sulod sa University of San Carlos – Main Campus. Naay mga parlor games, raffle ug gipahigayon pud ang Search for Mr. & Ms. KBP 2017. Ang midaog maoy morepresentar alang sa Mr. & Ms. Press Freedom 2017.
Gidalit pud sa tanan ang lamian nga paniudto sud gihapon sa USC Main Campus. Sa wa pa nahuman ang adlaw, ang empleyado sa DYHP Cebu nga si kasamang Futch Anthony Inso maoy nabunotan alang sa major prize nga brand new motorcycle. Apan suma pa ni kasamang Futch, abli siya sa suggestion nga imbes ma-iyaha ang motor ipagamit hinuon kini sa stasyon alang sa day to day operations niini. Kudos, kasamang Futch.
Congratulations pud sa mga opisyales sa KBP Cebu Chapter alang sa hugyaw ug malinawon nga pagbukas sa KBP Month. Sakto gyud kaayo nga tema karong tuiga nga ang KBP mao ang “sumbanan sa matinud-anon ug responsable nga pagpanibya”. Mabuhi ang mga magsisibya sa Sugbo! Mabuhi ang KBP Cebu Chapter!
