South Cotabato – utas ang kinabuhi sa usa ka bana human nga gihapak ug dakong bato sa sa suspetsadong miuwang sa ilang away sa iyang asawa didto sa may Purok Mabini, Barangay Dajay, Surallah, South Cotabato niadtong nakalabayng adlaw.
Biktima mao si Jonel Segundo, 33, driver ug lumad nga residente sa Noro Upi, Maguindanao ug nagpuyo sa maong lugar . giila usab ang suspek nga si Rogie Bello, 24, laborer ug residenti sa South Upi Maguindanao.
Subay sa inisyal nga imbistigasyon sa kapulisan nasuta nga naglalis ang biktima ug ang asawa niini didto sa ilang balay. Giuwang ang mga nahisgutan sa suspek nga si Bello apan wala matud pa patuo ang biktima hinungdan nga iyang gihapak ug bato sa iyang ulo.
Napuruhan ang biktima mao nga gidala dayon sa ospital apan gideklara kining dead on arrival. Ang suspek gilayon sab nga gidakop sa miresponding pulis sa lugar.
