General Santos City—Hospital ang gidangatan sa usa ka dispatcher nga si Aladin Kamsa, 30 anyos ,lumulupyo sa Purok Maunlad Phase 2, Barangay Apopong, Gensan, human gibunalan ug tubo ang ulo niini, alas 4:40 ang takna kagahapon sa hapon.
Sumala pa sa inisyal nga impormasyon , nakig-estorya ang maong dispatcher ngadto sa tricycle driver nga nagselebrar sa iyang birthday, diin ilang gihisgutan nga hangtod lang alas 4:00 sa hapon mamahimong isaulog ang selebrasyon niini sa tornohan sa mga tricycle sa may Public Market atbang sa WaWa Enterprises.
Apan ang panag-estorya sa mga nasangpti misangko ngadto sa pagsinumbagay human nga naglalis ang mga nahisgutan.
Wala pa makontento ang suspek iya pang gibulanan ug tubo ang ulo sa biktima hinungdan sa pagkasamad niini. Gilayon nga gidala sa Dr. Jorge Royeca Hospital si Kamsa samtang ang suspek misibat human sa insidenti.
Sa karon nagpadayon ang gihimong imbistigasyon kalabutan sa maong panghitabo. (Art Javier)
