Nagplano ang Department of Environment and Natural Resources-7 sa pagpatuman ug “carrying capacity” sa mga eco-tourism destination sa rehiyon .
Tuyo niini nga kalimitahan ang pasudlon nga mga bisita sa mga eco-tourism destination matag adlaw aron kalikayan ang pagkaguba ug pag-abuso sa kalikupan .
Dinhi sa Sugbu , lakip sa aduna nay gipatuman nga “carcap” mao ang isla sa Olango sa Lapulapu City , Lake Danao sa Camotes ug isla sa Bantayan .
Ang DENR nipatuman karon ug mga lakang pagprotektar sa kalikupan , taliwa sa giatubang nga environmental nga problema sa isla sa Boracay hinungdan nga pasirhan kini sugod karong Abril 26 , aron malimpyohan.
Facebook Comments
