Swerteng nakalingkawas sa kamatayon ang gidagit nga manager sa kapa alabel branch nga si Remely Iral human kining anaa sa kamot sa iyang abductors nga nitumaw og dugoan samtang nakaposas niadtong Enero 29, 2020 sayo sa buntag.
Nakapangayo og tabang si Iral sa mga residente sa barangay Kablon, Tupi, South Cotabato aron siya madala sa ospital.
Nigawas sa imbestigasyon sa tupi municipal police station, gitaptapan ang mata sa biktima dayon gidala sa wala niya masayri nga dapit unya pagka- alauna sa kaadlawon sa enero 29 gidala siya sa plantasyon sa pinyahan ug gidunggab sa lawas unya gibiyaan nga naka-posas.
Nakapangayo og tabang si Iral sa mga panimalay duol sa reservoir sa tubig sa Dole Pineapple Plantation.
Samtang ang tagbalay mao na ang nagsumbong ngadto sa barangay ug gidala gilayon kini sa taga municipal disaster patrol paingon sa hospital sa Poblacion Tupi.
Gitransfer usab kini gilayon sa ospital sa probinsya dayon gibutang sa pribadong ospital base sa hangyo sa iyang kabanay alang sa seguridad.
For more info’s and updates, like and share our official facebook account : www.facebook.com/ifm91.9Gensanofficial/
[image: oic manager sa kapa.jpg]
