General Santos City—gidagsa sa bagang duot sa katawhan nga naggikan sa managlahing sector ang gipahigayong PARADA NG LAHI alas 4:00 pasado ang takna kaganinang buntag.
Gipangunahan ni Gensan City Mayor Ronnel Rivera ang aktibidad uban sa mga opisyal sa syudad, PNP, Joint Task Force Gensan, Dep-ed, mga katawhan gikan sa 26 ka barangay sa syudad, mga pribadong tunghaan, nagkandaiyang organisasyon ug daghan pang uban.
Ang PARADA ng LAHI usa ka tinuig nga aktibidad alayon sa Kalilangan Festival ug Founding Anniversary sa Gensan isip pag ila sa mga pioneers sa pagpanguna ni General Paulino Santos.
Human sa parade usa ka programa ang gihimo apil na ang Wreath Laying Ceremony sa may Plaza Heneral Santos sa munomento ni General Paulino Santos nga gipangunahan ni Mayor Ronnel Rivera.
