General Santos City- Wala na nasalbar pa ang kinabuhi sa usa ka senior citizen human nga kini gidunggab sa usa ka 26 anyos nga sikad driver miaging adlaw.
Naila ang biktima nga usa ka Dominador Gipitula, senior citizen og lumulupyo sa may Paparon Compound Barangay City Heights ning syudad sa Heneral Santos.
Sumala pa nga alas 2:35 sa hapon natigayon ang pagpanunggab sa biktima sa usa ka 26 anyos nga suspek nga si King Francis Paclibar- Cuna, sikad driver nga nagpuyo sa susamang lugar.
Sumala pa sa imbestigasyon sa kapulisan nga daan ng nagdumot ang maong suspek sa tigulang human nga gisita kini miaging adlaw tungod sa paspas kining magpadagan sa iyahang gimanihuang sikad.
Tungod sa dumot hinungdan nga gidunggab sa suspek ang biktima gamit ang kitchen knife hinungdan sa iyahang kamatayon.
Posibleng apil usab nga kasuhan ang tiyuhin sa suspek nga si Romeo Paclibar Jr. human nga gitabangan pa niyang makasibat ang suspek.
