General Santos City- Patay ang usa ka gwardya human nga gidunggab kini sa usa ka wala mailhing suspetsadong nangawat.
Giila ang biktima nga usa ka Danilo Deocades, hamtong ang panuigon og residente usab sa dakbayan sa Gensan.
Nahitabo ang insidente alas 11:00 kagabii, sa usa ka residential area og bodega sa may National Highway sa may Barangay Apopong ning syudad sa Gensan.
Sa testimonya sa usa ka alyas ‘Marvelous” nga nahimata na lamang siya ngab adunay kasikas sulod sa ilahang panimalay og akto nga gikuha na niya ang ilahang tv, hinungdan nga misinggit kini og hinabang.
Tungod niini dali nga midagan ang suspek, og pagsugat niini sa gwardya, kalit na lamang niining gidunggab, igo sa dughan og ilok nga bahin.
Padayon karon nga ginahimo ang imbestigasyon sa maong insidente.
