General Santos City—Hustisya kini karon ang singgit sa pamilya sa 14 anyos nga bata human nga gidunggab patay sa wala pa nganling mga suspek alas 5:30 ang takna sa hapon naidtong Hwebes.
Nasayran nga on the spot patay ang biktima nga si Jezrel Kian Escobar nga taga Purok Maganda, Saampaguita St., Barangay Poblacion, Polomolok human nakaangkon ug 7 ka mga samad dinunggaban sa lawas.
Sumala Inday, iyaan sa biktima nga basi sa sulti sa mga barkada sa nahisgutan, nag tambay ang iyang pag-umangkon sa may creek dihang misulong matud pa ang mga suspek. wala nidagan ang biktima mao nga sya ang nadunggaban.
Dako ang pagtuo ni Inday nga posibling ang midunggab sa iyang pag-umangkon ang nakalaban niini sa basketball niadtong myerkules.
Sumala niini nga posibling nasuko ang mga nahisgutan gumikan dako ang ilang pildi mao nga nanimalos. Dili hinuon masulti sa iyaan sa biktima kung miyembro sa mga batang sukarap ang mga suspek.
