Kaso hin tipdas ha Region 8 nagtitikadamo, kabataan kinahanglan nga mabakunahan

108

PALO, LEYTE – Mayda na unom nga kaso hin tipdas nga nahipatik han Department Of Health ha bug-os nga Rehiyon Otso.

Salit nagpahimatngon an Department Of Health Region 8 nga diri magtagya an mulopyo ilabi na nga an sakit nga measles o tipdas in madali makatapon ilabi na ha mga kabataan ngan ha mga baby.

Sumala kan Elaine Villarosa, Program Health Coordinator ha measles, nagmando na an DOH-8 ha mga tagsa tagsa nga Local Health facilities ha Rehiyon nga magdumara hin house to house visit agud siguraduhon ngan an tanan nga kabataan nga nag-eedad 5 paubos in nabakunahan hin atleast duha ka dosage han anti-measle vaccine.


Panuyo han DOH ha Rehiyon nga likyan an sakit nga tipdas ngan diri magkamayada hin measles outbreak ha Rehiyon sugad han natatabo ha Zamboanga, Davao City ngan iba nga lugar han nasod.

Sanglit, mahugot nga ginrerekomenda han DOH nga mabakunahan hin measle vaccine an mga kabataan nga nag eedad 5 paubos. An hataas man gud nga Immunication coverage an magigin sulosyon agud malikyan outbreak han sakit.

Facebook Comments