General Santos City—samad sa likod ang naangkon sa usa ka Nicolas Hornada, legal age, residenti sa Hill top, 39.2 FVR Vill., Barangay Fatima, Gensan human kining nadunggaban sa suspek nga si Alias Benjie, legal age, residenti sa samang lugar.
Subay sa report sa Fatima Police Station nasayran nga alas 11:30 ang takna sa gabie adlawng Domingo may nakalaban matud pa ang igsuon sa biktima sa ilang giadtuang lamay.
Pag-uli sa managsuon, sila giatngan sa suspek ug didto na niini gidunggab ang igsuon sa biktima apan inay ang igsuon niini, siya na nuon ang naigo sa iyang likod nga bahin.
Paspas nga misibat ang suspek samtang ang biktima, gidala gilayon sa Dr. Jorge Royeca Hospital. Sa karon padayon ang imbistigasyon sa maong insidenti.
Facebook Comments
