“Kinahanglang andam ka sa imong hunahuna ug kasingkasing”-Kini ang nahimong awhag ni South Cotabato Gobernador Daisy Fuentes ngadto sa mga miyembro sa Provincial Disaster Response Team atol sa kasaulogan sa National Disaster Resilience Month Celebration sa Provincial Capitol Covered Court sa Koronadal City niadtong Hulyo 2.
Gihangyo ni Fuentes ang disaster team nga muandam sa mental ug emosyonal samtang nagamit ang ilang mga kahanas sa pagtubag sa taktika ug pagluwas.
Gihangyo usab sa gobernadora ang tanan nga mga ahensya sa gobyerno nga sutaon ug ipatuman ang tanang mga programa ug gamiton ang mga kagamitan ubos sa Provincial Disaster Risk Reduction Management Fund (PDRRMF) alayon sa regulasyon sa Commission on Audit (COA) sa budget ug expenditure review.
Subay sa bag-ong mandato sa LGUs gamiton ang 80-85% sa pondo niini hangtud sa katapusan sa tuig. (Jica Rose Parok-MSU Intern)
