General Santos City— Hugtanong gihimakak ni Tboli Mayor Dibu Tuan nga dunay “shadow government” ang mga rebeldeng New People’s Army (NPA) sa mga hilit nga Barangay sa iyang lungsod.
Kini ang nahimong reaksyon sa mayor human nga una nang gibutyag ni South Cotabato Governor Daisy Avance-Fuentes ang nga dunay “shadow Municipal government” sa NPA nga anaa sa barangay Maan, Salacafe, Mongkayo ug Basag, subay na usab sa testimonyang gihatag sa militar sa misurender nga miyembro sa NPA nga nakabase sa kabukirang bahin sa Tboli.
Dugang pa ni Mayor Tuan nga walay nakaabot nga report ngadto kaniya bahin sa gikaingong shadow government sa NPA, gani iyang gibutyag nga walay kampo sa NPA nga anaa sa kabukiran sa lungsod sanglit igo ra matud pa nga gaagi ang mga armadong grupo sa ilang lugar.
