Gikanayon ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), nasubo kini nga adunay mga grupong nihimo og lakang nga makaapekto sa ginahimong vaccination rollout sa gobyerno aron maproteksyonan ang katawhan batok sa COVID-19.
Matud ni Schlosser, anaa na sa City Legal Office ang report diin kini padayong gina-inbestigahan ug kung unsa ang mamahimong i-kaso sa nahisgutan kung aduna man kini kalapasan, diin gibaklas na usab ang billboard niadtong Martes (Pebrero 22, 2022). Nasayrang naghouse-to-house usab ang grupo sa pagpanghatag og leaflets kabahin sa ilang kampanya.
“Naa nay lead ang atoang PNP po about kung kinsa ni sila na mga grupo po but since hindi pa po proven talaga, we cannot disclose it. So, until proven guilty ang mga tao, that’s the only time that we can say it,” sulti ni Schlosser.
Sa interbyu sa DXDC RMN Davao kang Alcherie Patino, tigpamaba sa Alliance of Filipinos For Freedom and Informed Choice (AFFFIC), giklaro niini nga dili makonsidera nga sila anti-vaccination diin ilaha lamang gusto nga magbaton og awareness ang ginikinan ug huna-hunaon pag-ayo una pabakunahan ang ilang mga anak ilabina nga nagsugod na ang 5-11 years old vaccination diin aduna usab silay balaod nga gibasehan niini.
“Na-shock mi nganong anti-vaccine kaagad ang nakalagay kasi kung babasahin mo ‘yan hindi na man siya anti-vaccine. In fact, may mga cinite pa kaming batas. Kung anti-vaccine siya, automatically, wala na kaming isa-cite na batas na magko-collaborate doon sa aming billboard,” sulti ni Patino.
RadyoMaN Kirby Manzon
