Sa Facebook post ni Sialana Cecelio, makita ang iro nga samaran diin giingong ilahang kapitan ang maoy naghimo niini.
Sa interview sa DXDC RMN Davao kang PSSg. Roel Rico, imbestigador sa Laak MPS, iyahang gibutyag nga sa ilang paglusad og imbestigasyon, wala na nila nakit-an ang iro tungod kay kini gilubong na. Samtang, lakip sa ilang gihinabi ang kapitan sa barangay nga si Benelabre Meñoza Gutual ug gihimakak niini ang maong pasangil. Gani, andam matud pa ang kapitan nga atubangon kung adunay mupasaka og reklamo o kaso batok kaniya.
“Padayon man pud ang among pag-monitor. Kadtong nanawagan gyud sa amoa regarding ato (iro nga giingong gipusil), kung naa lang gyud tay complainant ug witness, mga suspect, pwede man nato i-file kaso,” sulti ni Rico.
Sa interview usab sa DXDC RMN Davao kang Ginalyn Cercado Sialana, tag-iya sa iro, giuyonan sa mga residente nga hiktan ang ilang mga iro ug kung makabuhi, kini dakpon ug multahan ang tag-iya, apan wala nauyonan nga pusilon ug patyon ang hayop nga makabuhi.
Gani, gi-mention sa netizens ang mga Facebook page sa mga animal advocates/organizations ug nanawagan nga maaksyonan ang insidente, mahatagan og hustisya ug mapanubag ang responsable sa maong pagpasakit sa maong hayop.
RadyoMaN Kirby Manzon
