Sa press conference, gitataw ni Oyo Uy nga adunay mga JO, Honorarium ug Contract of Service workers nga mahuman na ang ilang employment karong Abril 2024. Iyang giklaro nga sa gipadalang notice, gihatagan sila og oportunidad mo-apply pagbalik kung sila buot pang magtrabaho sa PLGU.
“In every change of administration, manggawas gyud ning istoryaha nga matanggal napud ang JO. I will be very clear, 60 days lang ang gihatag nga preventive suspension (ni Gov. Edwin Jubahib). For the meantime, I am the acting governor. Tanan nga naa diha, ako lang giagi og due process. Same with sa kining mga JO, gibuhat lang pud gyud nako, proseso lang pud.”
Dugang sa acting governor nga gina-assess nila karon lakip na ang mga regular nga empleyado pagsigurong natrabaho ang angay trabahoon aron dili siya balikan sa katawhan maoy nagpasweldo sa government employees.
Nasayrang mikatag ang memorandum gikan sa Office of the Governor alang sa pagkatapos sa employment sa mga dili regular nga trabahante ug giingong gipananggal ang nahisgutan tungod sa politika ilabi na karon ng suspendido si Hon. Edwin Jubahib.
RadyoMaN Kirby Manzon
