Sa pakighinabi sa DXDC RMN Davao kang PLt. Joe Marlon Cabe, Chief Investigator sa Tagum City PNP, iyang gitin-aw nga nasikop nila ang usa ka Alyas Jairo, 28 anyos ug construction worker atol sa ilang motorcycle patrolling sa National Highway, Barangay Visayan Village, Tagum City niadtong April 23, 2024 human kini wala mihunong sa checkpoint.
Sa pagharang sa kapulisan, nahulog ang usa ka glass tube gikan sa hawak sa lalaki ug sa pagkapkap na, nakuha ang illegal nga droga sulod sa belt bag nga iyang dala. Ug ang dinakpan, anaa na karon sa kustodiya sa Tagum PNP.
Dugang panawagan ngadto sa Tagumenyos nga kung adunay mamatikdan o mahibal-ang krimen o illegal nga aktibidad, gilayong mu-report sa buhatan sa Tagum City Police sa numerong 09197485024.
RadyoMaN Ivy Parido
