Pinaagi sa mga personahe sa Amulong Police Station sa Cagayan Valley, personal nga gihatod gahapon, November 28, 2023 sa Tagum City Police Office ang giingong usa sa mga nalambigit kaniadto sa investment scam sa Tagum City.
Sa impormasyong gipadala ni Police Lieutenant Colonel Jeffrey Latayada, ang Chief of Police sa Tagum City Police Station sa DXDC RMN Davao, giila ang dinakpan nga mao si Emie Montilla, 38 anyos ug residente sa Brgy. La Filipina.
Sa interview sa DXDC RMN Davao sa usa ka Laarni, iyang gibutyag nga grabe ang pagkabiktima niya ug siya niingon nga niabot na gyud ang panahon ni Montilla tungod daghang pangalan, relasyon ug panginabuhian ang naguba.
Sa post Facebook post sab ni Jels Den Day, siya niingon nga naa gyud katapusan ang tanan ug mahatagan na’g hustisya ang mga kwarta nga nadagit ug biktimang nailad ni Montilla.
Anaa na karon ang dinakpan sa kostudiya sa Tagum City PS ug muatubang sa kasong ESTAFA nga wala’y girekomendang pyansa.
RadyoMaN Ivy Parido
