General Santos City— Gidayeg ni Gensan City Mayor Ronnel Rivera ang kapulisan sa pagkasikop sa suspek nga si John Cavan nga gika-ingong gun for hire nga sumala pa responsable sa pagpamusil sa 14 ka mga biktima ug asa 13 niini ang patay.
Sumala niya nga kung basihan ang mga ebidensya ug impormasyon, makombinsi kining lambigit gyud sa krimen ang suspek apan hangtud nga dili kini mapamatud-an sa korte, magpabilin kining suspek sa maong mga krimen.
Panghinaut man usab niini nga magpadayon ang pagdungog sa kaso sa suspek ug mapanubag usab ang utok sa maong mga krimen.
Dugang pamahayag ni Mayor Rivera nga wala gikonsiderang organized crime group ang suspek apan posibleng aduna kini mga kontak ng daan sa mga posibleng magbayad kaniya aron sa pagpatay.
Pagpaklaro niya nga nagpabilin ang iyahang direktiba ngadto sa kapulisan nga sulbaron gyud ang tanang krimen sa ilahangmga area of responsibility. Saysay pa niya nga hagit gyud sa kapulisan sa karon ang pagbantay sa siguridad gumikan sa kulang nilang ihap.
