General Santos City–Pakyas nga masikop sa naghiusang pwersa sa Polomolok Municipal Police Station, RID ug RMFB-12 ang usa ka Geofrey Nilong, hamtung nga nanimuyo sa Barangay Lapu, Polomolok, South Cotabato sa ilahang gihimong operasyon batok sa nasangpit nga suspect alas 5:00 ang takna sa buntag ngadto sa ilahang panimalay.
Sumala pa ni Police Lieutenant Aldrin Gonzales ang tigpamaba sa PRO 12 nga gi-serve matud pa sa kapulisan ang warrant of arrest batok sa suspect sa kasong pag supak sa iligal nga droga ug murder apan wala pa naka-abot ang kapulisan sa panimalay sa nahisgutan nakamatikod na kini ug daling nakasibat samtang nabilin ang asawa niini.
Bisan matud pa ug nakasibat ang suspect nasikop sa kapulisan ang asawa niini nga si Vanesa Nilong human nga nakuhaan ug mga materyales sa paggama ug eksplosibo ug buhing bala ang ilang panimalay.
Dugang pa ni P/LtC Gonzales nga basi sa report nga nadawat nila nga ang nasangpit nga suspect ang myembro sa grupong Ansar Al khilafa Philippines nga kanhing gipamunuan sa namatay nga si Kumander Tokboy Maguid.(Dave Silagan)
