General Santos City- Mipanaw na sa laing kalibutan ang gikunsedirang pinaka tigulang nga lola sa dakbayan sa Gensan nga naila sa pangalang Sinang Sambuto, 104 ang panuigon, lumulopyo sa may Purok 2 Barangay Sinawal General Santos.
Kini ang gikumpirma ni Hide Siwo umagad sa namatay residente ra usab sa maong dapit.
Nasayran nga bandang alas 5:00 sa hapon dihang gipahibalo si Siwo sa iyang bayaw naga mao’y nag-amuma kang lola Sinang nga namatay kini sulod mismo sa pinuy-anan sa nahisgutan .
Kasamtangan ang patayng lawas ni lola Sinang ang anaa na karon sa Labajo funeral homes nga anaa nahimutang sa Purok Malipayon ,barangay Labangal ug gikatakdang pagadal-un sa pinuy-anan niini. ( *Ray Flores Sabillo* )
Photo by: Russel Delvo/Gensan CPIO
Facebook Comments
