Gikasal ug mga nitambong gikasuhan sa paglapas sa quarantine protocol

74

Davao City-Imbes nga usa ka malipayong kasal ang nahitabo sulod sa usa ka resort sa may Talomo District ning syudad, nakunsimisyon na hinuon ang mga gikasal ug mga nitambong tungod gipangkasuhan sa paglapas sa quarantine protocols kontra COVID-19.

Sa interbyu sa RMN Davao kang Davao City Police Police Office (DCPO) City Director Police Col. Kirby John Kraft, girespondehan sa kapulisan ang reklamo batok sa maong aktidibidad.


Kapin 40 ka mga indibidwal lakip na organizer sa kasal, tag-iya sa resort ug ang mga nanambong sa kasal ang napasaka’g kaso pinaagi sa regular filing sa paglapas sa Executive Order 12-B sa syudad ug non-cooperation sa RA 11332 kun Mandatory Reporting of Notifiable Diseases and Health Events of Public Health Concern Act.

Samtang gibutyag ni spokesperson Police Captain Rosario Aguilar, siya mismo nasubo usab sa insidente apan igo lamang niaksyon ang pulis sa gipadangat nga report.

Nanawagan si Aguilar sa publiko nga kinahanglang hugot tumanon ang Minimum Public Health Standard ilabina nga adunay presensya sa COVID-19 variants sa syudad.

RadyoMaN Aimee Guinita



Facebook Comments