General Santos City–Hingpit nang napasakaan ug kaso ang usa ka lolo nga itago lang sa pangalang Alias Bugoy kansa suspek sa paglugos sa 30 anyos nga may deperensya sa pangisip sa may bagnutan nga bahin nga sakop sa Barangay Bula ning siyudad sa nakalabayng adlaw.
Sumala ni Po3 Dulce Serrano, sa Women and Children Protection Desk sa Bula Police Station nga naaktohan sa reklamante nga paryente sa biktima ang paglugos sa suspek.
Tungod niini ang reklamante na mismo maoy naghimo ug inisyatibo aron nga dakpan ang suspetsado human misuway pa kini ug sibat sa lugar.
Dugang pagbutyag ni Po3 Serrano nga wala giangkon sa suspetsadong lolo nga iyang giamong-amongan ang biktimang 30 anyos.
Apan tungod dunay nakakita ug naaktuhan gyud nga gihilabtan sa suspek ang biktima napasakaan gyud kini ug kasong lugos. Nasayran nga silingan ra sa biktima ang suspetadong miamong-among kaniya.
