General Santos City—hingpit nang gipasakaan ug kaso sa Alabel Municipal Police Station ang suspek nga milugos sa 22 anyos nga itago lang sa pangalang alyas Lelebeth, nga dunay deperensya sa panghuna-huna sa Barangay Pag-Asa, Alabel, Sarangani Province.
Sumala ni Police Sr. Inspector Benjie Ancheta, Hepe sa Alabel PNP nga identified nila ang suspek apan dili niini ikabutyag ang pangalan tungod pabiling gawasnon ang nahisgutan.
Basi sa sumbong sa biktima, gidala siya sa suspek sa awa-aw nga lugar ug didto na gilugos. Human sa pagpanglugos misibat dayon ang suspek saw ala sayring lugar.
Sumala ni Ancheta nga kini na ang ikaduhang higayon nga adunay gilugos nga mga babaye nga may deperensya sa panghuna-huna. Tungod niini panawagan niya sa mga ginikanan nga dili pasagdan ang ilang mga anak inay bantayan kanunay aron dili mabiktima sa mga tawong rapist.
