Salug ZN- Napatay ang usa ka gikatahapang eksperto tigama og bomba human nisuway sukol sa operasyon sa kapulisan didtong dapita sa Tabuk Suba, Barangay Poblacion West, lungsod sa Salug, lalawigan sa Zamboanga del Norte, pasado alas 6:00 ang takna sa gabii adtong miaging adlaw.
Sumala pa sa report sa kapulisan naila ang napatay nga mao si Benhar Lendit Muksan alias “Bin-Bin” hingkod ang edad, mulupyo sa susamang dapit.
Hiniusang gisilbi sa mga sakop sa 901st Mobile Company sa RMFB9 uban ang mga personnel sa Regional Maritime Unit 9 (RMU9), Zamboanga Del Norte Provincial Mobile Force Company (PMFC) og PNP Salug ang search warrant number 1-18 nga giluwatan ni Hon. Judge Rowena S. Carpintanos-Magallanes sa MCTC Salug-Godod, 9th Judicial Region, Salug Zamboanga Del Norte, alang sa Illegal Possession of Explosives, didto mismo sa balay sa target nga si Muksan.
Naabtan pa unta ang suspek apan inay motahan, dali kining nidalagan og nisakay sa single motor sibat sa dapit hinuon naharang kini sa checkpoint sa Regional Maritime Unit 9 diin matud pa nilanit sa kalibre .357 revolver sa hawak niini hinungdan giunhan sa pagpusil sa usa ka police officer.
Dali pa unta nga gidala ang nasamdang suspek sa Liloy Integrated Health District Hospital aron katambalan apan pipila ka minutos nakabsan na kini sa iyang kinabuhi.
Nakuha sa operatiba gikan sa balay sa suspek ang usa ka hand grenade, (8) pieces blasting caps inside black color plastic, (1) roll time fuse color red 38 inches, (1) roll time fuse color red 63 inches, (1) roll time fuse color red 253 inches, (1) kilo ammonium nitrate in a plastic color black, 1.5 kilo ammonium nitrate in a plastic color black ½ kilo ammonium nitrate in a plastic color black, (15) kilo ammonium nitrate in a sack color white (1) set MNLF camouflage uniform new, (3) pieces assorted camouflage uniform old, (124) pieces blasting caps in a box with plastic color blue.
Ang taga Scene of the Crime Operative sa Zamboanga Del Norte Crime Lab Office nakarekober sa crime scene sa usa ka unit Smith and Wesson Caliber .357 Magnum revolvers dunay serial number 052353 loaded sa unom ka buhing bala, ug usa ka unit sa rusi single motor kolor itom, lakip ang tulo ka heat sealed transparent plastic sachet nga dunay sulod white crystalline granules believed to be shabu nga diha sa u-box.
