General Santos City—Mireklamo sa buhatan sa Police Station 1 ang usa ka Tricycle Driver human nga gikawatan matud pa sa usa ka GRO human silang misulod sa usa ka lodging house sa may Salazar Street, Barangay South, Gensan.
Biktima itago lang sa pangalang si Alias Arnel, legal age nga taga Barangay Lagao, Gensan.
Subay sa saysay sa biktima sa kapulisan, nga siya nag-inum sa usa ka imnanan sa Salazar St., ug iyang nakaila ang usa ka Guest relation officer (GRO).
Natintal matud pa ang biktima nga makighilawas sa nasangpit maong iya kining gidala sa usa ka lodging house nga nahimutang sa maong lugar.
Human niini nakatulog ang biktima ug sa iyang pagmata, wagtang na ang iyang (2) ka unit nga cellphone nga iyang gibutang sa iyang bag.
Dali niyang gibalikan sa imnanan ang maong babaye apan wala na niya kini hikaplagi mao nga iya nalang kining gipatala sa buhatan sa Police Station 1.
