General Santos City–Gipaklaro ni Ryan Amper, Spokesperson sa grupong Barug Katungod Mindanao, nga pulos nga yanong sibilyan ang 11 sa 13 ka mga gidakop sa kapulisan ug sa JTF-Gensan sa Mother Francisca Retreat House niadtong nakalabayng gabie.
Igo ra nga nagpahigayon ang mga nasampit ug consultation kalabutan sa mga isyu bahin sa mga mag-uuma ug mga lumad.
Natingala nalang sila dihang apil silang gipangdakop sa awtoridad. nasayran nga duha ra ka personahe ang target sa operasyon kansa nag atubang ug kasong murder ug frustrated murder.
Hugtanong gikondina sa mga progresibong grupo ang pag-apil ug dakop sa mga sibilyan gumikan matud pa sa obstruction of justice.
Mas gikasubo nila ang pagpasang-at ug kaso luyo paman nga walay gihimo ang mga sibilyan dihang gipahigayon ang pagdakop sa duha ka mga target.
Usa matud pa kini ka matang sa paglapas sa tawhanong katungod sa mga sibilyan nga igo ra nga nagpahigayon ug konsultasyon bahin sa pipila ka mga isyu nga nakaapekto matud pa kanila.
