Naglaray nga lungon ang nahimong masulub-ong talan-awon sud sa simbahan ug sa sementeryo atol sa Requiem Mass ug sa paglubong sa 20 ka mga biktima sa lapad nga landslide sa Barangay Tinaan , dakbayan sa Naga .
Sa kapin 50 nga naugkat nga patay`ng lawas sa mga natabunan sa nidahili nga yuta , 20 nila ang gidungan sa paglubong karong adlawa , Septembre 24.
Ang ilang mga pamilya nga nanghatud sa lubong usa ra ang panawagan ,ug kini mao ang pagpahunong sa quarry operation sa Apo Land and Quarry Corporation nga ilang gibasul sa landslide .
Nangayo usab sila ug hustisya alang sa namatay nilang mga kaliwat atol sa landslide .
Ang mga rescuers magpadayon sa pagpangita sa kapin 40 nga namissing hangtud sa mosunod pang mga adlaw .
Facebook Comments
