Kumpleto na ang 12-man lineup sa Gilas Pilipinas para sa window 2 sa 2019 FIBA Cup Asian Quakifiers, apan wala si premier guard Jayson Castro.
Dako kaayong responsibilidad nila Kiefer Ravena ug Kevin Alas ang team sa pakigbatok niini sa team Australia karong hapon sa Melbourne.
Mituo ang coaching staff nga mapun-an sa duha ka guard sa NLEX ang pwesto nga gibakante ni Castro.
Dili pa 100 percent kuno ang dula ni Castro human nagka injury sa dula sa TNT KA Tropa sa PBA.
Mi average si Castro ug 20 points, 5 assists, 5 rebounds sa window 1 sa FIBA World Cup qualifying, butang nga kinahanglang pun-an nila Ravena ug Alas.
Ang uban pang naa sa lineup kay sila Matthew Wright, Calvin Abueva, Carl Bryan Cruz, Allein Maliksi, Gabe Norwood, Roger Pogoy, Japeth Aguilar, June Mar Fajardo, naturalized Andray Blatche at new addition Abu Tratter.
