Naglaom karon ang Philippine Olympic Committee kon POC nga dili maapektohan sa nahitabong rambol tali sa Gilas Pilipinas ug Australia Boomers niadtong Lunes ang pagsalmot sa nasud ngadto sa 2018 Asian Games.
Matud pa ni POC Secretary – General Patrick Gregorio nga adunay posibilidad nga ikonsidera sa FIBA ang pagsalmot sa Pilipinas sa bisan unsa mang Basketball Tournament taliwala pa man sa nahitabong panagrambol sa Philippine Arena.
Gipahayag sa maong opisyal nga nasayod ang Indonesian Officials sa kasamtangang problema nga giatubang sa nasud kung diin dili usab nila pasagdan nga dili makaapil ang Gilas sa torneyo.
Makigpulong matud pa ni-ini ang POC ngadto sa Samahang Basketbol ng Pilipinas kon SBP ug Philippine Basketball Association kon PBA aron nga mahisgutan ang nasangpit nga isyu.
Kalabot ni-ini gianunsyo sa PBA nga dili nila pahamtangan sa silot ang mga mangdudula nga misalmot sa kagubot apan nagbahad si PBA Commissioner William Marcial nga dili na usbon ang maong panghitabo sa liga.
Aduna ka bay reaksyon sa maong estorya? Mamahimo nimong ipabuhagay sa comment box sa ubos ning maong artikulo.
CTTO Bam Orpilla, Gilas Pilipinas
