General Santos City—Kritikal ang kahimtang sa usa ka Aljun Ococa, 30, residenti sa Purok Camachili, Barangay Tambler, Gensan human nga giluba sa iyang kainum nga si Alias Bryan alas 8:15 ang takna kagabie, June 26, 2017.
Sa impormasyon gikan sa Police Station 5 nasuta nga nag-inum ang biktima ug ang suspek didto sa maong lugar apan dihang nahubog, naglalis ang mga nasangpit nga misangko sa pagpanunggab.
Samad sa iyang likod ang naangkon sa biktima kansa daling gidala sa ospital human sa insidenti.
Samtang suspek misibat gilayon saw ala masayring lugar. Sa karon nagpadayon ang gihimong imbistigasyon sa kapulisan kalabutan sa panghitabo samtang ila nalang gihuwat ang pamilya sa biktima aron sa pagpasang-at ug kaso batok sa suspetsadong si alias Bryan.
