South Cotabato—wala gyud kalingkawas sa kamatayon ang usa ka tricycle driver human kining lubaa sa iyang pasahero didto sa Purok Poticar, Barangay GPS, Koronadal City alas 2:00 pasado ang taklna sa hapon niadtong nakalabayng adlaw.
Giila ang biktima nga si Josue Flores, 40-anyos, residente sa Barangay New Pangasinan , Koronadal.
Sa inisyal nga imbistigasyon sa kapulisan nasuta nga sakay ang nasampit nga pasahero sa tricycle sa biktima, pag-abot sa lugar didto na niini gidunggab ang driver gamit ang duha ka kutsilyo igo sa nagkandaiyang parti sa lawas nga hinungdan sa iyang kamatayon, paspas usab kining misibat sakay sa nagsunod nga motorsiklo padulong sa wala sayring lugar.
Sa karon padayon ang gihimong imbistigasyon sa maong insidenti ug ginasuta pa sa Koronadal PNP ang motibo sa krimen.
