South Cotabato- Brutal nga gilugos ug gipatay ang 5-anyos nga bata sa Purok Mainuswagon, Barangay Poblacion, Tampakan, South Cotabato pasado alas 9:00 sa gabie kagahapong adlawa.
Biktima itago lang sa pangalang alias Alyza, residenti sa maong lugar. Suspek sa krimen giilang si Zandro Ogdamin, minyo, residente sa Barangay Poblacion, Tampakan.
Subay sa imbistigasyon sa Tampakan Municipal Police Station nasuta nga ayha nahitabo ang krimen, nakig-inum ang suspek sa uyuan sa biktima kansa maoy nagbantay kaniya niadtong higayona.
Dihang mahubog ang uyuan sa biktima, gidala sa suspek ang bata sa creek ug didto na gilugos ug gipatay.
Nasayran nga nakaangkon ug grabeng samad sa ulo ang 5 anyos timailhan nga gibunalan sa suspek ug gahing butang. Nasayran nga human sa krimen sa nga gihimo misibat ang suspek sa wala sayring lugar.
Ang patayng lawas karon sa biktima anaa na sa lokal nga punerarya sa lungsod sa Tampakan.
