Davao City – Nangunay mismo si National Telecommunications Commission (NTC-XI) Director Nelson Cañete sa pagmonitor sa nagpadayong sim card registration nga anaa sulod sa SM Ecoland.
Sa interbyu sa DXDC RMN Davao kang Cañete, ang maong kiosk gipanagiyahan sa usa pa lang ka Telecommunication Company.
Dakong tabang ang mga sim card kiosks partikular na sa mga naglisod pagparehistro ug access sa online link.
Matud ni Cañete, karong Pebrero suroyon usab niya ang tanang gimuntar nga mga registration sites sa mga telcos aron masegurong natuman ang proseso ug maghatag usab og moral support sa mga frontliners niining sim card registration sa nasud.
Nanawagan si Cañete sa publiko nga dili magpatakag salig og mga tawo nga magpabayad aron marehistro ang ilang sim card tungod libre lang kini.
Mamahimong muadto ang mga naglisod og rehistro sa mga sim card registration kiosks sa rehiyon.
RadyoMaN Aimee Guinita
Facebook Comments
