GIN-ABUSUHAN | Babaye nga nasapwan nga patay sa Guimaras, positibo nga gin-abusuhan sekswal base sa resulta sang autopsy.

Nagapakita nga gin-abusuhan sexual si Emilyn Ganancial antis ginpatay sang suspek nga anay nobyo sini nga si Antonio Mallorca.
Ini ang ginpahayag ni Dr. Owen Libaquen, ang medico-legal officer sang PNP crime laboratory matapos gin-autopsy ang bangkay sang biktima.
Suno kay Libaquen nga base sa resulta sang autopsy, nagapakita nga may mga lagub kag pilas sa nawong ang biktima patimaan nga ini ang ginlampusan.
Samtang, ang kinatawo sini ang may pilas man patimaan nga ini ang gin-abusuhan.

Madumduman nga nasapwan ang bangkay sang biktima sa masiot nga bahin sang banwa sang Jordan sang nakaligad nga Huwebes, Agosto 2.
Natigayon naman nga madakpan ang suspek sa ginhiwat nga hot pursuit operation sang kapulisan.