Nag-upod lang sa iya abyan ang 17-anyos nga dalaga sang ini ang balabagan sang duha ka suspek nga armado sang armas luthang alas 11:15 sang nagligad nga gab-i sa National Highway sang Purok 15, Barangay Polonuling, Tupi, South Cotabato.
Sa imbestigasyon sang Tupi PNP gintayaan suno pa ang dalaga sang duha ka suspek kag pwersa nga ginkuha ang iya sini motor nga Suzuki Raider 150, nagaduag sang blue kag puti, may plaka MC 8119.
Matapos ang insidente madasig suno pa nga nagpalagyo ang duha ka mga suspek dala ang motor sang dalaga padulong sa banwa sang Polomolok.
Kaangot sini, ginpahayag ni Police Chief Ins Bernie Faldas, Chief of Police sang Tupi PNP nga may identity na sila sang suspek kag testigo na lang ang ila ginahulat para mapasaka nila ang kaso batok sa mga suspetsado.
