Roxas City, Capiz – Ginkalipay ni Mr. Vic Arcenas, Administrator sang Roxas City Integrated Transport Terminal, ang pag-aksyon na sang City Engineering Office sa madugay na nga ginareklamo nga buho-buho sa Roxas City Integrated Transport Terminal.
Suno pa kay Arcenas nga naglab-ot sa malapit duha ka tuig ang amo nga problema sang tion pa ni anay City Engineer Argelie Ambrosio kag ini ang na-aksyunan gid man sang nagpungko na bilang OIC Engineer si Engineer Rosano Anisco.
Ang kulang na gid lamang suno kay Arcenas amo nga ma-establisar na kon bala kay sin-o gid man ang right of way sa amo nga terminal agud nga mabudgetan ini sang city government kag mapasemento sang lubusan.
Suno pa kay Arcenas nga ang City Engineer’s Office ang dapat nga maghikutar sang mga papeles may kaangut sa road right of way bangud sila man ang yara sa likod sang pag construct sang RCITT.
Dugang pa ni Arcenas nga kinahanglan nga mapirmahan na ang road right of way agud maestablisar na ang matood nga naga panag iya diri.
