Naga kamang, duguon kag nagahungaw ang tingog nga naga pangayo sang tabang ang biktima sa tunga sang masiot nga karsada sa barangay Ubian, Maasin Iloilo sang malabayan sang isa sa mga pumuluyo alas 4:30 kaina sang kaagahon matapos nga ini nga gin gulgul sa liog sang suspek nga iya man lang mismo magulang bangud sa tuman nga kahulugbon.
Ang biktima gin kilala sa kay Belardo Consuelo, 31 anyos, soltero kag residente sang barangay Ubian, Maasin Iloilo samtang ang suspek ang gin kilala naman sa iya manghod nga si Harold Conseulo alyas Nono kag residente man sang amu nga lugar.
Natabo ang insidente matapos alas 5:30 sang aga sang mag ihaw sila sang baboy kag gin pauli-an.
Nagpain sila sang gamay nga baboy kag ila gin sugba kag gin sumsuman sa ilimnan nga nag sugod ala 1:00 sang ugto tubtob alas 10:00 sang gab-e.
Tungod sa tuman nga kahulugbon, nagpauli ang biktima upod ang suspek, apang sang ara na sila sa tunga tunga sang kapumuan ini sila ang nag baisay kabangdanan gin gabot sang manghod ang kutsilyo nga iya gin gamit sa pag ihaw sang baboy kag gin gulgol sa liog sang iya utod kag gilayon nga nagpalagyo.
Halin alas 10:00 sang gab e nga huriod ang biktima sa tunga sang kagulangan samtang naga pangayo sang tabang kag alas 4:00 na sang aga natabangan kag nadala sa ospital.
Na gisi gid ang puwak sang biktima apang maayo lang kag wala malab-ot ang iya ugat kabangdanan wala ini mapatal kag matam.an
