Gina sugid nga uwat permit nga e-trike sa Boracay gina-imbestigahan eon it SB Malay

85

Gina sugid nga sangka Electric-tricycle (e-trike) ro naga operate makaron sa isla it Boracay ro uwa it naga kaigong permit o uwa nag-agi sa Sangguniang Bayan it Malay.
Sa session it SB Malay ging paabot ni SB member Dante Pagsuigiron sa anang kaibahan nga mga opisyal nga kinahang-ean nga maimbestigahan nanda ro nasambit nga saeakyan bangod nga uwa man kanda ra nakaagi ag wa nanda naaprobahan.
Bangod kara ging kangawa man nanda kung sin-o ro nagtao it permiso sa dayang kumpanya nga puwedi sanda ka operate it e-trike bisan nga uwa ka agi sa LGU.
Nasayuran nga bago makasuoed sa isla do mga kumpanya it dayang saeakyan hay maagi anay kanda bangod nga gina estudyuhan pa ra it mayad ag dapat nga masunod do standard nga andang ging taeana.
Do E-trike do mabuoes sa mga tricycle sa Boracay nga sa makaron hay gina amat-amatan eon nga e-phase out hasta sa sunod nga dag-on.

Facebook Comments